Teksty: Davide Van De Sfroos. E Semm Partii. El Mustru.

Parlumm mea de barbera,
nel buceer gh?e la dencera
che la riid senza di me
e sun che cun l?infermiera
setaa gio so na cadrega
che la viaggia de par lee

e anca el suu nel curiduur me paar pio luu,
el voor parlamm
dumandi al laagh, da la finestra,
se'l se regorda chi e che sun
per questa geent che vee a truvamm cun scia i
biscott
sun pio nagott
dumanda ai pess, dumanda ai sass,
che luur la sann quel che ho veduu

Perche adess g?ho so el pigiama
ma regordes che una volta
seri el re di pescaduu,
ho veduu sguarass el laagh,
ho veduu quatass el cieel
e la loena burla gio,
l?era faa cume un?anguila,
l?era gross cume un batell
e?l majava tucc i stell,
una bissa incatramata,
cun la buca sbaratada
e cui occ dell?oltrummuund...
un mustru, ma l?era mea el film de l?uratori
un mustru, vegnuu?n de un teemp che l?era pio el so
ho veduu el mustru, ho veduu el mustru...

E i m?hann truvaa luungh e tiraa
cunt i occ de indemuniaa
e che parlavi de par me

?Vardii el re di pescaduu,
stravacaa in so la sua barca,
che?l se sbatt cume un cagnott !?

m?hann dii che el mustru l?era el diabete
per mea dimm che seri matt
quand che passavi me saludaven,
quand se giravi sentirvi riid
vegniven tucc a crumpa el pess
per ghigna un zicc o per cumpatimm
gnanca i fioo m?hann mai creduu
e seri el re di rembambii

Adess g?ho so el pigiama ma sun che sura un puntiil
a specia che?l solta fo,
sunn piee de medesen,
me parlen tucc de arterio,
ma sun che per fala fo,
te speci setaa gio cun in man duma una frosna
e sun propi mea stremii,
facch vede a?sti tocc de merda se te seet deent
in del laagh
o nel coo de un rembambii...
un mustru, senza i me occ el ghe sariss mai staa.